Birinchi bestsellering. Roman, pyesa, film yoki o‘yin uchun ssenariy qanday yoziladi | Kristofer Edj, Malxolland Padrik

Kitobni nimadan boshlash kerak? Hikoyalaringizni butun dunyoga qanday ulashish mumkin? Noshirni qanday topish mumkin? Bu kitobcha bolaga yozuvchilik mahorati nima va u nimalardan iborat ekanligi haqida ma’lumot beradi. U orqali bola adabiyotga boshqacha nuqtayi nazardan qaraydi va o‘ziga yaqin bo‘lgan janrlar va hikoya qilish usullarini topadi.Kitobxon g‘oyani rivojlantirishni, syujetni adabiy qonunlar bo‘yicha tuzishni, uni qiziqarli va ishonarli qilishni, o‘z asarini tahrirlashni o‘rganadi.Kitob roman, pyesa, fanfik, kinossenariy yoki kompyuter o‘yini uchun syujet o‘ylab topishga yordam beradi. U boshlovchi muallif o‘zini ko‘plab sohalarda - kinematografiyadan tortib IT-sanoatigacha topishi mumkinligi haqida tushuncha beradi.Mashhur yozuvchilarning amaliy maslahatlari va ilhomlantiruvchi hikoyalari bo‘sh varaq oldidagi qo‘rquvni yengishga yordam beradi. Agar o‘zingizga ishonsangiz va belgilangan maqsad sari rejali ravishda borsangiz, haqiqiy bestseller yaratish juda oson ish ekanligini ko‘rasiz. Ushbu kitobni qanday o‘qish kerakMuallif yozuvchi ishining har bir bosqichi haqida hikoya qiladi: birinchi fikrlash va syujet rejasidan boshlab tuzatishlar kiritish va o‘quvchilarni izlashgacha. Agar bola endi yozishni boshlagan bo‘lsa, u kitobni boshidan oxirigacha o‘qiy oladi. Bordi-yu, unda pishitib, e’lon qilmoqchi bo‘lgan g‘oya va qoralamalari bo‘lsa, to‘g‘ridan to‘g‘ri qiziqarli bo‘limga yo‘l olish mumkin. Ushbu kitobda o‘quvchi nafaqat foydali maslahatlarni, balki yozuvchilik ko‘nikmalarini rivojlantiruvchi mashqlarni ham topadi.Bu kitob kimlar uchunHikoyalar yozishni yoqtiradigan, o‘z mahoratini rivojlantirishni va ijodini talabgir qilishni xohlaydigan 10 yoshdan oshgan bolalar uchun. Yozuvchilik shunchaki sevimli mashg‘uloti bo‘lganlar uchun ham, mashhur yozuvchi bo‘lishni orzu qilganlar uchun ham mos keladi.Mualliflar haqidaKristofer Ej - Buyuk Britaniyadan kelgan taniqli bolalar yozuvchisi bo‘lib, uning kitoblari dunyoning 20 dan ortiq tillariga tarjima qilingan. Uning "Albi Braytning ko‘plab dunyolari" romani bir nechta kitob mukofotlariga sazovor bo‘ldi, shu jumladan Brilliant Book mukofoti, Karnegi mukofotiga nomzod bo‘ldi. "Sening birinchi bestsellering" kitobi u tomonidan Oksford universiteti nashriyoti ko‘magida yozilgan.Padrik Malxolland - illyustrator, dizayner, professional komiks rassomi. Asli Shimoliy Irlandiyadan, hozir Norvegiyada yashaydi. Uni tabiat, velosiped va ochiq havoda sayr qilish ilhomlantiradi.

Diqqat! Mahsulot muqovasining ko‘rinishi bosmaxona tomonidan ogohlantirilmasdan o‘zgartirilishi mumkin.