Rag‘batlantiruvchi aksiyani o‘tkazish qoidalari

"UzCard va Humo kartalari o‘rtasidagi o‘tkazmalar uchun 0%"

1. Umumiy qoidalar:

1.1. Ushbu bepul P2P o‘tkazmalari bo‘yicha reklama aksiyasini o‘tkazish qoidalari "UzCard va Humo kartalari o‘rtasidagi o‘tkazmalar uchun 0%" aksiyasida (keyingi o‘rinlarda matnda Aksiya deb yuritiladi) ishtirok etish shartlari va tartibini belgilaydi.

1.2. Qoidalar "MARKETPLACE TRADING" AJ (keyingi o‘rinlarda - Jamiyat) saytida, shuningdek Jamiyat ixtiyoriga ko‘ra boshqa manbalarda joylashtiriladi.

1.3. Aksiya Sello Pay to‘lov xizmatining yangi foydalanuvchilarini jalb qilish maqsadida o‘tkaziladi.

2. Atama va ta’riflar

2.1. Aksiya tashkilotchisi - "MARKETPLACE TRADING" AJ.

2.2. Aksiya o‘tkaziladigan joy O‘zbekiston Respublikasi hududi

2.3. Mobil ilova - Sello SuperApp mobil ilovasi.

2.4. P2P o‘tkazish - ushbu Qoidalarda belgilangan limitlar doirasida Mobil ilova orqali amalga oshiriladigan milliy valyutadagi UZCARD va HUMO kartalari o‘rtasidagi pul mablag‘larini kartadan kartaga onlayn o‘tkazish.

1.5. Aksiya ishtirokchisi - muomalaga layoqatli jismoniy shaxs - Sello SuperApp ilovasida identifikatsiyalash jarayonini muvaffaqiyatli yakunlagan va ro‘yxatdan o‘tgan foydalanuvchi bo‘lgan Sello Pay to‘lov xizmatining yangi foydalanuvchisi.

1.6. Aksiyaning amal qilish muddati - Sello SuperApp ilovasida ro‘yxatdan o‘tgandan keyingi dastlabki 3 oy davomida.

Aksiya shartlari

2.1. Aksiyada ishtirok etish uchun Sello SuperApp ilovasining Sello Pay to‘lov servisida ro‘yxatdan o‘tgan va identifikatsiyalangan (identifikatsiya qilish majburiy) foydalanuvchi bo‘lish kerak.

2.2. Sello Pay to‘lov servisida ro‘yxatdan o‘tgandan va identifikatsiyadan o‘tgandan so‘ng dastlabki 3 oy davomida foydalanuvchiga har oyda UzCard va HUMO kartalari o‘rtasida 3.000.000 so‘mgacha pul o‘tkazmalarini komissiyasiz amalga oshirish imkoniyati beriladi, keyinchalik esa o‘tkazma summasining 0,7% miqdorida komissiya haqi undiriladi.

      3. Aksiyani o‘tkazish shartlari:

3.1. Aksiya ishtirokchilari Sello.uz sayti yoki Sello SuperApp ilovasida ko‘rsatilgan Ommaviy oferta, Foydalanuvchi bilan kelishuv va Shaxsga doir ma’lumotlarga ishlov berish siyosati talablariga rioya qilishlari shart.

3.2. Aksiya shartlari Jamiyat tomonidan oldindan ogohlantirmasdan bir tomonlama tartibda o‘zgartirilishi, shuningdek bir tomonlama tartibda to‘xtatilishi yoki to‘xtatib turilishi mumkin. Mazkur qoidalarga kiritiladigan qo‘shimcha va o‘zgartirishlar ular Jamiyatning https://sello.uz saytida e’lon qilingan paytdan e’tiboran kuchga kiradi. Foydalanuvchilar ushbu Aksiya qoidalariga o‘zgartirish va qo‘shimchalar kiritilishini mustaqil ravishda kuzatib borish majburiyatini oladilar

3.3. Agar Foydalanuvchi ushbu Qoidalarga, shuningdek, Jamiyatning mahalliy me’yoriy hujjatlariga rioya qilmasa yoki firibgarlik harakatlarini sodir etsa yoki sodir etishga harakat qilsa, Jamiyat istalgan vaqtda bir tomonlama tartibda oldindan ogohlantirmasdan har qanday Foydalanuvchining Aksiyada ishtirok etishini to‘xtatish huquqini o‘zida saqlab qoladi.

      4. Yakunlovchi qoidalar

4.1. Mazkur Qoidalar https://sello.uz/ saytida e’lon qilingan paytdan boshlab kuchga kiradi.

Savollaringiz bo‘lsa, bizga +998 (78) 113 09 00 raqami orqali qo‘ng‘iroq qiling yoki Sello SuperApp ilovasining "CHAT" bo‘limiga yozing

"Sello Chilla Yutuqli O’yini" oflayn tadbirini o‘tkazish va unda ishtirok etish qoidalari

1. Umumiy qoidalar

1.1. O‘yin nomi: "Sello Chilla Yutuqli O’yini"
1.2. O‘yin tashkilotchisi: "MARKETPLACE TRADING" AJ, Toshkent shahri, Shayxontohur tumani, Zulfiyaxonim ko‘chasi, 12-uy.
1.3. O‘tkazish hududi: O‘zbekiston Respublikasining Farg‘ona, Andijon va Namangan viloyatlari.
1.4. Umumiy muddat: 2025-yil 30-iyundan 2025-yil 11-avgustgacha.

2. Yutuqli o’yin ishtirokchilari

2.1. Ishtirok etish uchun 18 yoshga to‘lgan muomalaga layoqatli jismoniy shaxslar qo‘yiladi, ular:
- SelloSuperApp mobil ilovasida identifikatsiyadan o‘tgan;
- Farg‘ona, Andijon yoki Namangan viloyatlari hududida yashaydi;
- tegishli davrda aksiya to‘plamidan kamida bitta mahsulot xarid qilgan bo‘lsa;
- BTPdan buyurtmani olib ketib va mahsulotni qaytarishni rasmiylashtirmagan bo’lsa.

2.2. Birinchi yutuqli o‘yin ishtirokchilari, g‘oliblardan tashqari, avtomatik ravishda ikkinchi bosqichga o‘tadilar.
2.3. Birinchi bosqich g‘oliblari ikkinchi bosqichga qo‘yilmaydi.
2.4. Tashkilotchining xodimlari va ularning yaqin qarindoshlari ishtirok etish huquqiga ega emas.

3. Yutuqli o‘yinning sovrin fondi

3.1. Sovrin fondi Tashkilotchi tomonidan shakllantiriladi.

3.2. Birinchi bosqichning mukofot fondi quyidagilarni o‘z ichiga oladi:
- 2 ta to‘liq o‘lchamli quloqchinlar;
- 3 ta qo‘l soati;
- 1 ta mobil telefon;
- 1 kolonka.

3.3. Ikkinchi bosqichning mukofot jamg‘armasi quyidagilarni o‘z ichiga oladi:
- 2 ta to‘liq o‘lchamli quloqchinlar;
- 1 ta mobil telefon;
- 1 ta kolonka;
- 1 ta ventilyator;
- 1 ta puflanadigan basseyn.

3.4. Sovrinlarni pul kompensatsiyasiga almashtirishga yo‘l qo‘yilmaydi. Sovrinlarning tashqi ko‘rinishi reklama materiallaridagi rasmlardan farq qilishi mumkin.

4. Sovrinli o‘yinda ishtirok etish shartlari

4.1. O‘yinda ishtirok etish uchun quyidagilar talab qilinadi:
- Aksiyaning tegishli bosqichi davomida mintaqaviy aksiya to‘plamidagi kamida bitta mahsulotni xarid qilish;
- BTPdan buyurtmani olib ketish.

4.2. Birinchi xariddan keyin ishtirokchiga avtomatik ravishda SMS yuboriladi: "Siz yutuqli o‘yin ishtirokchisisiz! Aksiya va uning natijalarini kuzatib borish uchun Telegram kanalimizga obuna bo‘ling: https://t.me/sellouz<"

4.3. Har bir xarid uchun ishtirokchiga SMS xabar yuboriladi: " Ajoyib temp, sizda XX ta xarid qildingiz! Ko‘p xaridlar – yuqori imkoniyat. Batafsil ma’lumotni Telegramda ko‘ring: https://t.me/sellouz va g‘alaba qozonish imkoniyatini oshiradigan alohida chiptani qo’lga kiriting.

4.4. Yutuqli o‘yinda ishtirok etish ushbu Qoidalarga to‘liq rozilik bildirishingizni anglatadi.

5. G‘oliblarni aniqlash tartibi

5.1. Har bir bosqich tugallangandan so‘ng 3 (uch) ish kuni ichida Sello Telegram kanalida buyurtmalarni yuklash asosida ishtirokchilar jadvali e’lon qilinadi.
5.2. Jadvalda qisman yashirilgan telefon raqamlari hamda buyurtmalar soniga ko‘ra berilgan tartib raqamlari aks ettirilgan.
5.3. O‘yin tasodifiy tanlash usuli (randomayzer) yordamida o‘tkaziladi.
5.4. Ishtirokchi jadvalda mavjud bo‘lmagan taqdirda, u telefon raqami orqali tekshirish uchun Markazga murojaat qilish huquqiga ega.
5.5. O‘yin natijalari Telegram-kanalida e’lon qilinadi. G‘oliblar qo‘shimcha ravishda SMS yoki shaxsiy xabar orqali xabardor qilinadi.
5.6. Natijalar yakuniy hisoblanadi va e’tirozga o‘rin yo‘q.

6. Sovrinlarni topshirish tartibi va muddatlari

6.1. Sovrinlar g‘olib manziliga eng yaqin BTPga yetkazib beriladi.
6.2. Olish uchun quyidagilar zarur:
- Shaxsini tasdiqlovchi hujjatni ko‘rsatish;
- Ishtirokchiga berilgan raqamni aytish;
- Sovrinni qabul qilish-topshirish dalolatnomasini imzolash.
6.3. Mukofotni xabarnoma olingan kundan boshlab 14 kalendar kuni ichida olish lozim.
6.4. Kelmaslik yoki rad etish hollarida, sovrin olish huquqi bekor qilinadi .
6.5. Olib ketilmagan mukofotlar Tashkilotchi tomonidan o‘z ixtiyoriga ko‘ra ishlatiladi .

7. Shaxsiy ma’lumotlar

7.1. O‘yinda ishtirok etish orqali Ishtirokchi quyidagilarga roziligini tasdiqlaydi:
- Shaxsiy ma’lumotlarga ishlov berish (F.I.Sh., telefon raqami, ilovadagi ID);
- Yashirin ma’lumotlarni ochiq e’lon qilish (Telegram-kanal, veb-sayt va boshqalar).

8. Javobgarlik va diskvalifikatsiya

8.1. Tashkilotchi texnik nosozliklar, buyurtmalarni qaytarish, bildirishnomalarning noto‘g‘ri ishlashi yoki ishtirokchi tomonidan ko‘rsatilgan noto‘g‘ri ma’lumotlar uchun javobgar emas.
8.2. Tashkilotchi quyidagi hollarda ishtirokchini diskvalifikatsiya qilishga haqli:
- ishtirok etish shartlari buzilganda;
- qoidabuzarliklar aniqlanganda (soxta akkauntlar, mahsulotni qaytarish va boshqalar).

9. Soliqqa tortish

9.1. Qimmatbaho sovg‘alar (telefon, soat va boshqalar) uchun jismoniy shaxslardan olinadigan daromad solig‘ini to‘lash zaruriyati tug‘ilganda, agar O‘zbekiston qonunchiligida boshqacha tartib belgilanmagan bo‘lsa, JShDSni to‘lash xarajatlari Tashkilotchi zimmasiga yuklanadi.

10. Yakuniy qoidalar

10.1. Tashkilotchi istalgan vaqtda ushbu Qoidalarga o‘zgartirish kiritish, O‘yinni o‘tkazishni to‘xtatib qo‘yish yoki butunlay tugatish huquqiga ega.
10.2. Mazkur Qoidalarning amaldagi tahriri bilan quyidagi havola orqali tanishish mumkin:[veb-sahifa]
10.3. Yutuqli o‘yinda qatnashish ushbu Qoidalarga to‘liq rozi ekanligingizni bildiradi .

Sello Telegram-kanalida haftalik yutuqli o‘yin o‘tkazish qoidalari

Ushbu Qoidalar har haftalik yutuqli o‘yinni (bundan keyin "Yutuqli o‘yin" deb yuritiladi) o‘tkazish tartibi, shartlari, joyi va muddatlarini, sovrinlar sonini, ularni olish muddatlari, joyi va tartibini belgilaydi.

Atamalar va ta’riflar

• Aksiya - Tashkilotchi tomonidan o‘tkaziladigan marketing tadbiri bo‘lib, uning doirasida ishtirokchilar muayyan shartlarni bajarganlik evaziga sovrinlar olishlari mumkin.
• Aksiya tashkilotchisi - "MARKETPLACE TRADING" aksiyadorlik jamiyati.
• Aksiya o‘tkaziladigan hudud - O‘zbekiston Respublikasi hududi.
• Ishtirokchi - 18 yoshga to‘lgan va Aksiya shartlariga mos keladigan jismoniy shaxs.
• Sovrinlar - _________.

1. Umumiy qoidalar

1.1. Yutuqli o‘yin nomi: "Sello‘dan haftalik yutuqli o‘yin".

1.2. Yutuqli o‘yin tashkilotchisi: "MARKETPLACE TRADING" AJ, yuridik manzili: Toshkent shahri, Shayxontohur tumani, Zulfiyaxonim ko‘chasi, 12 (bundan keyin - "Tashkilotchi").

1.3. Yutuqli o‘yin o‘tkaziladigan hudud: Sello Telegram-kanali ([kanalga havola]). Ishtirok etish ushbu Qoidalarning 6-bandiga muvofiq O‘zbekiston Respublikasi hududidagi Telegram foydalanuvchilari uchun ochiq.

1.4. Yutuqli o‘yinni o‘tkazishning umumiy muddati: Yutuqli o‘yinlar har hafta 10.04.2025 dan 22.05.2025 gacha o‘tkaziladi.

2. Yutuqli o‘yin ishtirokchilari

2.1. Yutuqli o‘yinda 16 yoshga to‘lgan, Telegram messenjerining foydalanuvchilari bo‘lgan va ushbu Qoidalarning 4-bo‘limida ko‘rsatilgan shartlarni bajargan jismoniy shaxslar (bundan keyin "Ishtirokchilar" deb yuritiladi) ishtirok etishi mumkin. 16 yoshdan 18 yoshgacha bo‘lgan ishtirokchilar ota-onalari, farzandlikka oluvchilari yoki vasiylarining roziligi bilan qatnashishlari mumkin

2.2. Tashkilotchi va unga aloqador shaxslarning xodimlari, shuningdek ularning oila a’zolari O‘yinda ishtirok etishlariga ruxsat berilmaydi.

3. O‘yin sovrin jamg‘armasi

3.1. Sovrin jamg‘armasi Tashkilotchining mablag‘lari hisobidan shakllantiriladi

3.2. Har bir haftalik yutuqli o‘yin uchun sovrinlar soni Tashkilotchi tomonidan belgilanadi va tegishli yutuqli o‘yin e’lonida ko‘rsatiladi

3.3. Sovrinlarni boshqa sovrinlar yoki pul tovoni bilan almashtirish mumkin emas.

3.4. Sovrinlarning tashqi ko‘rinishi ularning reklama materiallaridagi tasvirlaridan farqlanishi mumkin.

4. O‘yinda ishtirok etish shartlari

4.1. Haftalik yutuqli o‘yinda ishtirok etish uchun tegishli haftalik yutuqli o‘yin o‘tkazilayotgan davrda (juma kunidan keyingi juma kunigacha) quyidagi amallarni bajarish lozim:

4.1.1. Sello rasmiy Telegram-kanaliga obuna bo‘lish (yoki unga a’zo bo‘lish): [kanalga havola] (yutuqli o‘yin natijalari sarhisob qilinayotgan paytda obuna faol bo‘lishi shart).

4.1.2. Sello Telegram-kanalidagi joriy haftalik yutuqli o‘yin e’loni ostidagi "Ishtirok etish" tugmasini bosish.

4.1.3. Yutuqli o‘yin haqidagi xabarni do‘stlaringizga ulashish (qancha ko‘p ulashsangiz, g‘olib bo‘lish imkoniyatingiz shuncha yuqori bo‘ladi).

4.2. Ishtirokchining 4.1-bandda ko‘rsatilgan harakatlarni bajarishi uning ushbu Qoidalarga to‘liq roziligini bildiradi.

5. G‘olibni aniqlash tartibi

5.1. G‘olib barcha shartlarni bajargan ishtirokchilar orasidan @GiveShareBot Telegram-bot yordamida avtomatik tarzda aniqlanadi.

5.2. Natijalar tasodifiy ravishda, Tashkilotchining aralashuvisiz aniqlanadi.

5.3. O‘yin natijalari (Telegram-G‘oliblarning Telegramdagi foydalanuvchi nomlari) G‘oliblar aniqlangan kuni Sello Telegram-kanalida ([kanalga havola]) e’lon qilinadi.

5.4. G‘olibga Telegram orqali sovrinni qanday olish bo‘yicha yo‘riqnoma yuboriladi.

5.5. O‘yin natijalari uzil-kesil hisoblanadi va ularga e’tiroz bildirish mumkin emas.

6. Sovrinlarni topshirish tartibi va muddatlari

6.1. G‘olib Telegramdagi shaxsiy xabar orqali va/yoki Sello Telegram-kanalida natijalar e’lon qilinishi bilan g‘alaba haqida xabardor qilinadi.

6.2. G‘olibning ismi e’lon qilingandan so‘ng, Tashkilotchining vakili u bilan qo‘shimcha ravishda bog‘lanib, tafsilotlarni aniqlashtiradi hamda Sovrinni topshirish vaqti va usulini kelishib oladi.

6.3. Sovrinni olish uchun G‘olib Tashkilotchi vakiliga Sovrinni aniqlash va topshirish uchun zarur bo‘lgan ma’lumotlarni taqdim etishi shart.

6.4. G‘olib yutuqli o‘yin natijalari e’lon qilingan kundan boshlab 7 (yetti) kalendar kuni ichida kelib, sovrinini olishi shart. Agar ushbu shart bajarilmasa, G‘olib Sovrinni olish huquqidan mahrum etilishi mumkin.

Agar G‘olib sovrinni olish paytida 18 yoshga to‘lmagan bo‘lsa, u sovrinni olish uchun o‘zining qonuniy vakillari (ota-onasi, vasiylari yoki farzandlikka oluvchilari) bilan birga kelishi va tasdiqlovchi hujjatlarni taqdim etishi kerak.

6.5. Agar G‘olib belgilangan muddatda Tashkilotchi bilan bog‘lanmasa, Sovrindan voz kechsa, zarur ma’lumotlarni taqdim etmasa yoki ushbu Qoidalarga muvofiq Sovrinni olish uchun boshqa shartlarni bajarmasa, Sovrin talab qilinmagan hisoblanadi. Talab qilinmagan sovrinlar Tashkilotchi tomonidan o‘z xohishiga ko‘ra ishlatiladi.

7. Shaxsiy ma’lumotlar

7.1. O‘yinda ishtirok etish orqali ishtirokchi quyidagilarga roziligini tasdiqlaydi:
- o‘zining shaxsiy ma’lumotlariga ishlov berilishiga (Telegram-nik, fotosurati, yozishmalari);
- o‘zining Telegram-niki va fotosuratini ijtimoiy tarmoqlarda va @Sello kanalida e’lon qilinishiga.

8. Javobgarlik va chetlashtirish

8.1. Tashkilotchi Telegramdagi texnik nosozliklar, botlarning noto‘g‘ri ishlashi, hisob qaydnomalarining bloklanganligi, ishtirokchi tomonidan ko‘rsatilgan noaniq ma’lumotlar uchun javobgar emas.

8.2. Tashkilotchi quyidagi hollarda ishtirokchini chetlashtirishga haqli:

- ishtirok etish shartlarining buzilishi;

- qo‘shib yozishlar, soxta hisob qaydnomalari va boshqa suiiste’molliklarning aniqlanganligi.

9. Soliqqa tortish

9.1. Sovrin qonun hujjatlariga muvofiq soliqqa tortilishi lozim bo‘lgan taqdirda, soliq tanlov tashkilotchisi tomonidan to‘lanadi, agar yutuqli o‘yin shartlarida boshqacha qoida nazarda tutilmagan bo‘lsa.

10. Yakuniy qoidalar

10.1. Tashkilotchi istalgan vaqtda ushbu Qoidalarni o‘zgartirish, o‘yinni o‘tkazishni to‘xtatib turish yoki tugatish huquqiga ega.

10.2. O‘yinda ishtirok etish fakti ishtirokchining ushbu Qoidalarga roziligini tasdiqlaydi.

10.3. Qoidalarning amaldagi tahriri bilan quyidagi havola orqali tanishish mumkin: [veb-sahifa].

"Vodiy" onlayn-aksiyasini o‘tkazish qoidalari

1. Umumiy qoidalar

1.1. Ushbu qoidalar "Vodiy" aksiyasini (bundan keyin - Aksiya) tashkil etish va o‘tkazish tartibini belgilaydi.

1.2. Aksiya tashkilotchisi "MARKETPLACE TRADING" AJ hisoblanadi (bundan keyin — Tashkilotchi).

1.3. Aksiya faqat O‘zbekiston Respublikasining quyidagi hududlarida o‘tkaziladi: Andijon viloyati, Namangan viloyati, Farg‘ona viloyati.

1.4. Aksiyada ishtirok etish faqat ushbu Qoidalarning 2-bo‘limida ko‘rsatilgan hududlarda haqiqatan ham joylashgan foydalanuvchilar uchun mumkin.

2. Atamalar va ta’riflar

• Aksiya - Tashkilotchi tomonidan o‘tkaziladigan marketing tadbiri bo‘lib, uning doirasida ishtirokchilar muayyan turdagi mahsulotlarni maxsus narxda sotib olishlari va belgilangan shartlarni bajarganlarida sovg‘alar olishlari mumkin.
• Aksiya tashkilotchisi - "MARKETPLACE TRADING" AJ.
• Aksiyani o‘tkazish joyi va muddatlari:

- Andijon viloyati: 22.05.2025 dan 22.06.2025 gacha

- Namangan viloyati: 22.05.2025 dan 22.06.2025 gacha

- Farg‘ona viloyati: 22.05.2025 dan 22.06.2025 gacha

• Ishtirokchi - 16 yoshga to‘lgan va Aksiya shartlariga mos keladigan jismoniy shaxs.

3. Ishtirok etish shartlari

3.1. Aksiyada ishtirok etish uchun Sello SuperApp ilovasida ro‘yxatdan o‘tgan va uning foydalanuvchisi bo‘lish kerak.

3.2. Aksiya ishtirokchisi Aksiyada belgilangan mahsulotlarni faqat SelloSuperApp ilovasidagi SelloMarket orqali, Tashkilotchi tomonidan belgilangan hududda va vaqt oralig‘ida taklif etilgan maxsus narxda sotib olishi mumkin.

3.3. Aksiya ishtirokchisi Aksiyada belgilangan mahsulotlarni faqat SelloSuperApp’dagi SelloMarket orqali Tashkilotchi tomonidan taklif etilgan maxsus narxda, ma’lum bir hududda va ma’lum bir vaqt oralig‘ida sotib olishi mumkin. Bunda quyidagi toifadagi mahsulotlarni xarid qilish: shakar, guruch, yog‘ - 24 soat ichida bir ishtirokchiga 3 kg dan ortiq bo‘lmagan miqdorda cheklanadi. Belgilangan muddat tugagach, ishtirokchi 3 kg miqdoridagi cheklovga rioya qilgan holda buyurtmani qayta rasmiylashtirishi mumkin. Boshqa barcha mahsulotlar foydalanuvchi tomonidan har 24 soatda bir dona miqdorida xarid qilinishi mumkin.

3.4. Agar buyurtma Tashkilotchiga bog‘liq bo‘lmagan sabablarga ko‘ra olinmagan bo‘lsa (masalan, ishtirokchi qo‘ng‘iroqqa javob bermagan, buyurtmani olish punktiga kelmagan yoki mahsulotni olishni boshqacha tarzda ta’minlamagan), va bunda to‘lov oldindan amalga oshirilgan bo‘lsa, xarid summasi to‘lov tizimi qoidalarida belgilangan muddatda to‘lov amalga oshirilgan bank kartasiga qaytariladi, mahsulot esa omborga qaytariladi.

3.5. Aksiya ishtirokchilari sello.uz saytida yoki Sello SuperApp ilovasida ko‘rsatilgan Ommaviy oferta, Foydalanuvchi kelishuvi va Shaxsiy ma’lumotlarni qayta ishlash siyosati talablariga rioya qilishlari shart.

4. Yakuniy qoidalar

4.1. Aksiya shartlari Tashkilotchi tomonidan oldindan ogohlantirmasdan bir tomonlama tartibda o‘zgartirilishi, shuningdek, to‘xtatilishi yoki to‘xtatib turilishi mumkin. Ushbu qoidalarga kiritilgan qo‘shimcha va o‘zgartirishlar Tashkilotchining veb-saytida e’lon qilingan paytdan boshlab kuchga kiradi. Ishtirokchilar ushbu Aksiya qoidalariga kiritilgan o‘zgartirish va qo‘shimchalarni mustaqil ravishda kuzatib borishi shart.

4.2. Tashkilotchi, agar Ishtirokchi ushbu Qoidalarga, shuningdek, Tashkilotchining ichki me’yoriy hujjatlariga rioya qilmasa yoxud firibgarlik harakatlarini sodir etsa yoki sodir etishga urinsa, istalgan vaqtda oldindan ogohlantirmasdan, har qanday Ishtirokchining Aksiyada ishtirok etishini bir tomonlama to‘xtatish huquqiga ega.

4.1. Ushbu Qoidalar https://sello.uz/ Saytida e’lon qilingan paytdan boshlab kuchga kiradi.

Savollaringiz bo‘lsa, +998 (78) 113 09 00 raqamiga qo‘ng‘iroq qiling yoki Sello SuperApp ilovasining "CHAT" bo‘limiga yozing.