Zukkolar va landovurlar | Malkolm Gladuell

Malkolm Gladuell har doim mutloqo tasodif hisoblab kelingan muvaffaqiyatlarning zamirida yotgan yashirin qonuniyatlarni topgan birinchi insondir. Bu qonuniyatlar nega aksariyat buyuk xokkeychilar faqat yanvarda tug‘ilganligini va hech qachon oktabrda tug‘ilmasligini, nima uchun matematikani osiyolik talabalar boshqalardan ko‘ra osonroq o‘zlashtirishini, nega Nyu-Yorkning eng obro‘li advokati bo‘lish uchun albatta yahudiy bo‘lish lozimligini tushuntirib beradi. Bu kitob Bill Geyts, «Bitlz» va Motsart kabi shaxslarni nima bog‘lab turishini hamda ular nega o‘z tengdoshlaridan o‘zib ketganligini ko‘rsatadi. «Zukkolar va landavurlar» — «qanday qilib muvaffaqiyatli inson bo‘lish» bo‘yicha qo‘llanma emas. Bu siz o‘zingizga foydali tarzda foydalanishingiz mumkin bo‘lgan hayot qonuniyatlari olamiga zavqli bir sayohatdir. Bir necha yil davomida “New York Times” va “Amazon” bestsellerlari ro‘yxatidan tushmagan ushbu kitobni ko‘plab mutaxassislar muvaffaqiyat haqidagi eng jiddiy kitob deb talqin etishgan. Kitob talabalarga, o‘qituvchilarga, o‘quvchilarga, tadbirkorlarga, umuman muvaffaqiyat qonunlarini kashf etish, o‘z ishida professional bo‘lishni, biror bir sohani o‘rganishni xohlaydiganlarga tavsiya etiladi.