Rasululloh ahli ayollari

Alloh taolo Nabiy sollallohu alayhi vasallam ahli ayollarining darajalari naqadar ulug‘ ekanligini bildirib, ularni Qurʼoni karimda “Mo‘minlarning onalari” deya taʼriflagan. Ushbu kitobda har birimiz uchun namuna bo‘lgan onalarimizning fazilatlari, hayotlari, odob-axloqlari haqida qimmatli maʼlumotlar keltirilgan. Biz musulmonlar u zotlar bilan yaqindan tanishib, ulardan ibrat olishimiz zarur. Zero, ularning hayoti bilan tanishish qalblarni nurlantiradi, Nabiy sollallohu alayhi vasallamning sunnatlarini teran anglashimiz, ularga ixlos bilan amal qilishimizda chiroyli vosita bo‘ladi, inshaalloh.