Mavlidi Barzanjiy | Imam Djafar Barzandjiy

Biz musulmonlar olamlar sarvari, koinot faxri, payg‘ambarlarning oxirgisi, butun olam­larga rahmat qilib yuborilgan nabiy Mu­­ham­mad sollallohu alayhi vasallam tavallud top­gan muborak oyda u zotga bo‘lgan yuksak ehtirom va muhabbatimizni yana-da chuqurroq izhor qilishga buyurilganmiz. Allohning Rasulini yaxshi ko‘rish iymonimizning belgisidir, u zotni yaxshi ko‘rishimiz Alloh taoloni sevishimizdandir. Alloh taolo O‘zining Kalomi sharifida shun­day marhamat qilgan: “Payg‘ambar mo‘minlarga o‘zlaridan ham haqliroqdir...” (Ahzob surasi, 6-oyat). Chunki buni Payg‘ambar alayhissalomning o‘zlari ham bizga taʼlim berib shunday deganlar: “Banda nazdida uning ahlidan, molidan, odamlarning barchasidan afzal bo‘lmagunimcha u (komil) mo‘min bo‘la olmaydi” (Imom Muslim rivoyati). Ushbu kitobdan xalqimiz uchun ardoqli bo‘lgan asar — «Barzanjiy mavlidi»ning arabcha matni, kirillcha o‘qilishi va o‘zbekcha tarjimalari joy olgan.