Jyul Vern: Kapitan Grant bolalari

1864-yil 26-iyulda lord Eduard Glenarvanga tegishli yaxta matroslari ulkan bolgʻa baliqni tutib oldilar. Och koʻz baliq butunicha yutib yuborgan shisha ichidan ingliz, nemis va fransuz tillarida yozilgan hujjat chiqdi. Dengiz suvi chirita boshlagan bu qogʻozlardan aniqlanishicha, ikki yil oldin gʻoyib boʻlgan “Britaniya” kemasi halokatga uchragan. Ekipaj kapitani Grant va ikki dengizchi esa tirik qolgan... Kapitan va dengizchilarning boshdan kechirganlari hamda adolat uchun mardona kurashganlarini mutolaa davomida bilib olasiz. Jyul Vern buyuk fransuz yozuvchisi, zamonaviy fantastika otasi hali hayotligidayoq afsonaga aylanib ketgan insonlardan biri edi. Zamondoshlari uni «tinim bilmas sayohatchi» deb hisoblasalar, kimlardir uni «dengizchi, kema kapitani» deb o‘ylashar, yana kimlardir «ko‘chirmakash yozuvchi» deb g‘iybat qilar, boshqalar esa, «Bunaqa yozuvchi yo‘q. Jyul Vern - bu geografik jamiyatning nomi. Ana shu tashkilotning aʼzolari shu nom ostida kitoblar yozadilar.», deb isbotlashga urinadilar. Aslida esa, Jyul Vern yozib charchamaydigan yozuvchi edi. U faqat ijod og‘ushidagina xordiq chiqarardi. 60 yildan ortiq davom etgan ijodiy faoliyati mobaynida tinimsiz yozdi va adabiyot ixlosmandlariga, avlodlarga 97 kitobni meros qilib qoldirdi.