Den Braun: Ibtido

Mahsulot ta'rifi 2017 yil chop etilib butun dunyo boʻylab juda koʻplab shov-shuv va jiddiy bahs-munozaralarga sabab boʻlgan, “Da Vinchi siri” asari muallifi Den Braunning yana bir mashhur romani endi oʻzbek tilida!!! “Biz qayerdan paydo boʻlganmiz?” “Kelajakda bizni nima kutmoqda?” Bu savollar olimlar va turli eʼtiqoddagilarning bahslariga sabab boʻlgan. Professor Robert Lengdon oʻz shogirdi, yosh futurolog Edmond Kirshning taklifi bilan Ispaniyaga boradi va uning taqdimotida ushbu savollarga javob berilishidan xabar topadi. Ammo u javobni eshitishga ulgurmaydi, hammasi chappasiga aylanib ketadi... Ilk bor oʻzbek tilida taqdim etilayotgan ushbu asar qahramonlari din va fan oʻrtasidagi azaliy bahs mohiyatini ochib berishga harakat qiladi. Bu asar 2017 yil oktyabr oyida AQShda chop etilishiga qaramay, 2 oy ichida dunyoning 30dan ortiq tiliga tarjima qilindi va dunyo bestsellerlari sirasiga kirgan hisoblanadi. “Ibtido” — amerikalik muallif Den Braun qalamiga mansub triller asar boʻlib, Robert Lengdon seriyasida “Inferno”dan keyingi beshinchi kitob hisoblanadi. Asar voqealari asosan Ispaniyada, qisman Dubay va Budapeshtda yuz beradi. 2018 yil Avgust oyida asar “New York Times”ning eng yaxshi sotilgan kitoblar roʻyxatidan birinchi oʻrinni egallagan. Muallif haqida: DEN BRAUN (Dan Brown) bir qator bestsellerlar, jumladan, “ Raqamli qalʼa”,“ Farishtalar va shaytonlar”, shuningdek, dunyo boʻylab 80 milliondan ortiq nusxada sotilgan “Da Vinchi kodi” kabi asarlar muallifi. U “Time” jurnali eʼlon qilgan“ Dunyoning eng nufuzli shaxslar yuztaligi”dan joy egallagan. Uning asarlari 51 ta tilga tarjima qilingan. Den Braun Amherst kolleji va Phillips Exeter akademiyasi bitiruvchisi boʻlib, u yerda ingliz tili va ijodiy yozishdan dars bergan. U Nyu-Angliyada yashaydi.