Ali Chankirili: Men bilan o''ynaysizmi, ota

Ali Chankirilining «Men bilan o‘ynaysizmi, ota» kitobi bugungi kun uchun dolzarbdir. Otalar va bolalar o‘rtasidagi masofa tobora olislab borayotgan, virtual munosabatlar birinchi o‘ringa chiqib qolayotgan hozirgi vaqtda mazkur qo‘llanma bu boradagi muammolarni go‘zal tarzda bartaraf etish uchun ajoyib manba bo‘la oladi. Kitobdan ko‘zlangan maqsad otalarga farzandlari bilan uyda, tabiat bag‘rida, shaharu qishloqlarda birgalikda ko‘proq vaqt o‘tkazishlari uchun yordam berishdir. Birgalikda o‘yinlar o‘ynash bolalargagina emas, balki otalar uchun ham maroqli bo‘ladi. Ko‘pchilik bu o‘rinda ko‘proq onalar bo‘lishi kerak, deb hisoblaydi, yaʼni bola bilan o‘ynash onaning vazifasi o‘laroq ko‘riladi. Ammo ona shundoq ham doimo bolalar bilan hamnafas. O‘g‘il-qizlar ham ona, ham ota mehrini yaqindan his qilib ulg‘ayishga haqli. Inson hayotida otaning o‘rnini betakror va beqiyosdir! Bolajonlar qahramoni bo‘lgan otalar, ushbu qo‘llanma siz uchun!