Адем Гунеш: Воз кеч ва тинчлан

Инсон кўнглию руҳонияти билан ҳамиша ёруғликка талпиниб яшайди. Бу ёруғликда у ўзини, мақсадини, ҳаётини топади. У қанчалик қоронғуликка маҳкум бўлиб қолса ёруғликка чиқиши шунчалик қийин кечади. Бу жараённи инсон бошқара оладими? Албатта, ҳа! Туйғуларни бошқара олиш, ёруғ ҳисларга эришиш, ўзингизни ҳар қандай вазиятдан омон асраб ўтиш ҳаётнинг лаззатлари, завқу шавқини туйишга тўсиқ бўлолмайди. Албатта, тўсиқларга учрашдан қўрқманг, тўсиқлар сизни кучли қилади. Қўлингиздаги Адем Гунешнинг мазкур "Воз кеч ва тинчлан" деб номланган китоби айнан шундай тўсиқларга учраган ҳамда ечим устида бош қотираётган инсонлар учундир. Асар 6 ҳафталик амалиёт дастурини ўз ичига олган, сиз уларни бирма бир босиб ўтиш орқали ҳаётингизни яхшилайсиз, биз юқорида таъкидлаган ёруғликка эришасиз.